ايه هي الاستشارات البرايفت؟

الاستشارة عبارة عن ايه؟

مكالمة لمدة نص ساعه أو ساعه او حتي مقابلة (علي حسب اختيارك) بنتكلم فيها عن كل اللي انت عايزه عشان نوصل لحل مشاكلك المختلفة من وجهة نظري الشخصية

طيب الاستشارة بتشتغل ازاي؟

كل اللي بطلبه منك هو انك ترتب المواضيع اللي انت عايز تتكلم عنها في ورقة او بالطريقة اللي تناسبك عشان متتلبخطش بس مش اكتر (لازم تعمل كده والا هتبقي ضيعت وقتك وفلوسك عالفاضي)

وبنتكلم بنتناقش عشان نوصل لحل مخصوص مناسب لحالتك انت

الاستشارة بتبقي

• سرية
• بدون احكام
• في المعاد اللي انت تحدده

واهم حاجة ان فيها الكلام اللي انت مش عايز تسمعه وخايف منه اصلاً بس هو اللي انت محتاج تسمعه (محدش غيري هيقولك الكلام ده)

الكلام اللي انت خايف منه هو بالظبط الكلام اللي انت محتاج تسمعه

انا مش هقعد اراضي فيك واقولك معلش ومش معلش

هقولك الكلام اللي مفيش حد هيقوله في وشك وهبقي واضح وصريح معاك

ليه؟بكل بساطة عشان معنديش سبب يخليني اكدب عليك!

انا عايز اساعدك عشان كده لازم اقولك شوية كلام ممكن يبان جارح شوية او يزعل بس الحقيقة دايما مرة ولازم تتقبلها زي ما هي وتشتغل عشان تحسن من موقفك

فلو انت بتهرب من حاجة او في حاجة خايف تعترف بيها حتي بينك وبين نفسك هتلاقيني بقولهالك (خليك فاكر ده اللي انت محتاج تسمعه)

لو انت من النوعية اللي بتزعل او بتتقمص من الموضوع ده…وفر وقتك وفلوسك من دلوقتي عشان مش هتبقي مبسوط بعد الاستشارة

مفيش حد في الدنيا معندوش مشاكل في حياته بشكل او بأخر ولكن الفكرة كله هي في طريقة حل المشاكل دي

هي ماشية معاك بالبركة؟ مرة تصيب ومرة تخيب

ولا بتتصرف بعشوائية وخلاص؟ساعتها هتبذل مجهود كتير بس مش هتوصل لأي حاجة

ولا بتفضل مشلول مش عارف تاخد قرار؟ كده الفرص هتضيع منك (الفرص دي ممكن تبقي شغل او علاقات أو حاجات تانية كتير)

هتعرف دلوقتي ازاي تلاقي حلول للمشاكل اللي مش عارف تعمل فيها ايه او المواقف اللي مش عارف تتصرف فيها ازاي (الموضوع مش قاصر علي المشاكل او المواقف ممكن اي حاجة تواجهك في حياتك)

بس قبل ما تعرف الحل تعال نشوف مع بعض شوية حاجات في الغالب انت جربتها كلها قبل كده (لو انت مجربتهاش يبقي اكيد تعرف حد جربها كلها)

• الثيرابي

الثيرابي بيساعد ولكنه مكلف جداً ومش دايماً بيجيب نتيجة كويسة وانت نفسك تعرف واحد او اتنين بيبدلوا ثيرابيست أكتر من الشرابات (مشكلة تانية معاه انه مش بيبقي في دماغه المشاكل اللي بنمر بيها ك مجتمع ذكوري  ويرزعك روشته فيها كام دوا وخلاص)

• تشوف المحتوي اللي عالنت

المحتوي جميل جدا اللي موجود وانا متأكد لو شوفت حلقاتي كويس هتلاقي اجوبه على اسئلتك.. تعالى هنا بس لو ملقتش جواب على سؤال خاص بيك انت او لو انت معندكش وقت تتفرج ع المحتوى والساعات دي كلها

• تدور علي حل في الكتب

القراية احسن حاجة في الدنيا بس بتاخد وقت كتير جداً جداً وفي مشاكل بتبقي محتاجة سرعه تصرف منك

• الكلام مع الاهل والاصحاب

انا شايف انها اسوء حاجه تعملها انك تحكي للقريبين حاجات خاصه بيك وبالذات لو مشاكل.. ممكن تتعاير بيها بعدين ومش بالضروره يكون عندهم جواب اساسا لمشكلتك

اكتر من 700ريفيو للاستشارات السابقه